Tizitaw Samuel Blog

                       <<እወዳለሁ ንጻ>>                           የሉቃስ ወንጌል 5፥12-16         ውድ የእግዚአብሔር ልጆች እንደምን ሰነበታችሁ የጌታ ጸጋና ሰላም ይብዛላችሁ ።በዛሬው የወንጌል ጦማር የምናነበው የጌታችንን መለኮታዊ ተአምር  ሲሆን ተከትሎም ለሁላችን ስለተደረገልን ታላቅ ውለታ እናጤናለን ፣      ክርስቶስ በምድር ላይ በስጋ የተገለጸው ለሁለት ታላላቅ  ምክንያቶች ነው ።  1/ሁላችንን ለማዳን     2/ለዘላለም አርአያነት  በስጋ በተገለጠበት የስጋዌው ወራት ህሙማነ ነፍስን {ነፍሳቸው የታመመባቸውን }በትምህርቱ  ህሙማነ ስጋን በተአምራቱ በአምላካዊ ሃይሉ እየፈወሰ መድሃኒት ሆኖ መገለጡን በሚያስመሰክር ታላቅነት ለምጻሞችን ሲያነጻ፣ ጎባጣውን ሲያቀና፣እውራንን ሲያበራ፣ሽባዎችን ሲተረትር ፣ ልምሾዎችን ሲያጸና ፣ ሃጢአተኛ ተብለው የተፈረደባቸውን በሰላም ሂድ በሰላም ሂጂ እያለ ሲያሰናብት ፣በአጋንንት ክፉ እስራት ውስጥ ወድቀው የሚማቅቁትን የመቃብር ዳር ምስኪኖች ከስቃይ ሲገላግል ,,,,,,,,,ወዘተ የጌታችን የኢየሱስ ክርስቶስን አዳኝነት በመጽሃፍ ቅዱስ ምስክርነት እናረጋግጣለን ።         በፍቅሩ የፍቅር ትርጉም የሆነው ጌታ የእውቀት አስተማሪ ጥበብ አሳማሪ ህግ ሰሪ መሆኑን ለመግለጽ ብዙ ጊዜ አልወሰደም ...

                     ሕይወት ኢየሱስ ነው ።                 <<ሕይወት ተገለጠ አይተንማል >>1ኛ ዮሐ 1፥2 በሞት ተሸንፎ ለወደቀው አለም የተገለጠው ሕይወት የእግዚአብሔር ልጅ ኢየሱስ ክርስቶስ ነው ። ኢየሱስ ሕይወት ብቻ ሳይሆን የዘለአለም ሕይወት ነው ። 1ኛ ዮሐ 5፥20 በጥንታዊው ሰው በአዳምና በአጋሩ በሔዋን አለመታዘዝ ምክንያት ሕይወት የውሃ ሽታ ሆኖ የገነት ደጃፎች ተከርችመው የሲኦል መግቢያ ወለል ብሎ ተከፍቶ ከአቤል ግድያ እስከ ክርስቶስ መስዋእትነት ድረስ እጅግ ብዙ ነፍሳትን ውጧል ሞት በሃጢአት ምክንያት የመጣብን የበደላችን ዋጋ ስለሆነ ከህይወት ተለይተን ኖረናል ።        የዲያብሎስን ሥራ እንዲያፈርስ የእግዚአብሔር ልጅ ተገለጠ እንዳለው 1ኛ ዮሐ 3፥8 ጌታችን የመጣው በዲያብሎስ ተንኮል የተተበተበውን የሞት መረብ በጣጥሶ ነጻነት ሊሰጠን ነው ። ስለዚህ ህይወት ሲገለጥ ሞት መግቢያ መውጫ ጠፋው በመስቀል ላይ በደም ታነቀ፣ ታሰረ፣ኢየሱስ ጠላታችንን በመስቀሉ ጠርቆ አስሮ ነፍሱን ከስጋው በገዛ ስልጣኑ ለይቶ በአካለ ነፍስ በግርማ ወደ ሲኦል ወርዶ ለዘመናት በባርነት የተገዛውን አዳምን ከልጅ ልጆቹ ጋር ነጻ አወጣው ። ሲኦል ባዶ ቀረ ክርስቶስ ከበረ። ያን ጊዜ የዘለአለም ሕይወት ለሰዎች ሁሉ ተመልሶ ተሰጠን ። ውድ ክርስቲያኖች ይህ ውድ ዋጋ የህይወት መሷእትነት የተከፈለው ለእኔም ለአንተም ለአንቺም መሆኑን አምነን ለክርስቶስ ፍቅር ልንገዛ ልናመልከው ልናመሰግነው ይገባል ። ዮሐ 3፥16 በእርሱ የሚያምን ሁሉ...

                    መንገድ እውነት ሕይወት                                               ዮሐንስ 14÷6         ውድ   የዚህ መንፈሳዊ ድህረ ገፅ አንባቢዎች እንደምን ከርማችኋል የጌታ ፀጋና ሰላም ይብዛላችሁ  በዚህ ፅሁፍ ውስጥ ከላይ የተጠቀሱትን ሶስት ታላላቅ ቃላቶች በተራ ትርጉማቸውን እያየን የመድሃኒታችንን የኢየሱስ ክርስቶስን  ታላቅ የማዳን ስራ እንመሰክራለን ።      የዚህ አለም የኢኮኖሚ ተንታኞች ለአንዲት አገር ፈጣን እድገት እና ልማት ትልቁን ድርሻ የሚወስደው መንገድ እንደሆነ ይስማማሉ ። በአገሪቱ ውስጥ የሚገኙ ክፍላተ ሃገራትን እንዲሁም ከአዋሳኝ አገራት ጋር የንግድ የባሕል የኢኮኖሚ ልውውጦችን ለማድረግ ጉልህ ድርሻ የሚወጣው መንገድ እንደሆነ ያረጋግጣሉ ሃሳቡ ከእውነት ያልራቀ ስለሆነ እኛንም ያሳምነናል ። በሃይማኖታዊ እይታም መሰረት መንገድ ብዙ ሚስጥራትን የያዘ ቃል ነው ስለዚህ የዚህ ዓለም ጠበብቶች የተስማሙበትን የመንገድን አስፈላጊነት ማለትም በድንጋይ ወይም ዘመናዊው አስፋልት አልያም የጥርጊያ መንገድ ሁሉም እንደየአቅማቸው ለህብረተሰቡ የሚያበረክቱትን አስተዋጽኦ ከግምት ውስጥ በማስገባት እኛ ልንለው የምንችለውን ፈርጥ እውነት ከፍ አድርገን እናሳያለን ።               ...

LIQE MEZEMIRAN KESIS TIZITAW SAMUEL.

LIQE MEZEMIRAN KESIS TIZITAW SAMUEL.

                  ወንጌል ወንጌል የምስራች ሰማያዊ ዜና የልባችን ደስታ የነፍሳችን መና ወንጌል ወንጀል ገዳይ ወንጌል ብሩህ ፀሐይ ጨለማ ገላጭ ነው የብርሃን ፀዳል ወደ ሰማይ መውጫ የህይወት መሰላል ከኢየሱስ አንደበት የተቀዳ ውሃ ዘንቦ ማያባራ ደስታና ፍስሃ ዶፍ ሆኖ ያራሰ የነፍስን በረሃ የማይጠፋ ችቦ ምስጋና ተከቦ በሶምሶን ቀበሮ በሃዋርያት ጅራት የታሰረ መብራት የሃጥያት አውድማን የዲያብሎስን ክንድ የበላ ነበልባል ያቃጠለ ሰደድ የፍቅር አዋጅ ነው አዲስ ኪዳን መንገድ ብሉይን ያስረጀ የይቅርታ ሰነድ ትንቢትን ተርጉሞ ሚስጥሩን የፈታ የእውነት ሰገነት የፍጥረት ከፍታ ልደቱን ጥምቀቱን ስቅለት ትንሳኤውን የኢየሱስን እርገት ዳግመኛ ምፅአቱን ዘርዝሮ የነገረን ቸርነቱን ፍቅሩን የመፃህፍት ራስ የኛም ልደት ቦታ ወንጌል መስታወት ነው የአምላክ አንድምታ የነፍስ አቡጊዳ የህይወት ሃሌታ የአዲስ ህይወት እድል የአፍ መፍቻ ፊደል እልፍ ቃል ነው ወንጌል ።         ቀሲስ ትዝታው ሣሙኤል

                                    ጸሎት         ጸሎት ማለት ከእግዚአብሄር ጋር መነጋገር ማለት ነው ። በጸሎት የምንፈልገውን ነገር ሁሉ ከጌታ ዘንድ መጠየቅ እና ማግኘት  እንችላለን ። ከጸሃይ በታች ያለው ህይወታችን ጉድለት የበዛበት ሙሉ ሆኖ የማያውቅ ሙሉ መሆን የማይችል ቀዳዳ ነው ። በመሰረቱ ህይወት ጎዶሎ የሚሆነው ከምኞታችን አንጻር እንጂ ያለኝ ይበቃኛል ለሚል ሰው ጉድለቱን ሳይሆን ሁል ጊዜ የሚያየው  ሙላቱን ነው ስለዚህ በምስጋና የተሞላ ማንነት አለው ። በመሰረቱ አብዝቶ ከሚጸልይ ይልቅ አብዝቶ የሚያመሰግን ሰው ብዙ  በረከት ይቀበላል , መጽሃፍ ቅዱስ እንዳርጋገጠልን ጌታም እንዳስተማረው በቅድሚያ መንግስቱንና ጽድቁን ፈልጉ ሌላው ሁሉ  ይጨመርላችሃል ማቴ 6፥33 እንዳለው እኛ ለቃሉ በተገዛ ማንነት የዘላለም መኖሪያ የሆነችውን ርስታችንን መንግስተ ሰማያትን  ለመውረስ ጽድቅ በተባለው እውነት በኢየሱስ ክርስቶስ ለመዳን ብቻ ነው በጽኑ ማሰብ እና መፈለግ ያለብን ።      በዚህ የጸሎት አቅጣጫ እስከዛሬ የዘለቅንበትን የጸሎት ህይወት ለመገምገም እንሞክራለን , በጉድለት የተሞላውን ማንነታችንን በቃኝ የማያውቀው ፍላጎታችንን እንዲሁም ልጛም የሌለው የምኞት ፈረሳችንን ከአንድ ምእራፍ ለማሳረፍ ትልቁ መፍትሄ ጸሎት ነው ። በጸሎት ፈጣሪን ተማጽነው ጠላታቸውን የረቱ ፣ ከመካንነት ነቀፋ ተገላግለው በልጅ የተባረኩ ፣ ከሰው ያሳነሳቸውን አንገታቸውን ያስደፋቸውን መብላት እየፈለጉ እንዳይበሉ...

        " ተነስቷል "    የተናገረውን የሚያደርግ የማያደርገውን የማይናገር በቃልም በግብርም የታመነው ጌታ ኢየሱስ ክርስቶስ ቀድሞ በገነት የሳተውን አዳምን እና በአዳም ውድቀት የወደቅነውን እኛ ሁላችንን ያጣናትን ሰማያዊት አገራችንን ሊመልስልን ከገባንበት ጨለማና ፍርድ ሊቤዠን የተናገራትን ቀን ቆጥሮ ተገለጠልን ።  በነገራችን ላይ ክርስቶስ ወደዚህ ዓለም የመጣው ለመሞት ነው ። ደም ሳይፈስስ ሰርየት የለም እንዳለው መጽሃፍ የእንስሳት እና የሰዎች ደም በክርስቶስ የመጣውን ስር ነቀል ለውጥ ሊያመጣ ስላልቻለ ደግሞም ስለማይችል በመስቀል ላይ ሃጢአታችንን ሊሸከም ፣ሞቶ ሞትን ሊገድል ፣በትንሳኤውም ዘለዓለማዊነታችንን ሊያረጋግጥልን በኩር ሆነልን ።     ስለዚህ የመጣበትን አላማ ስለሚያውቅ ብዙ ውርደት በትህትና ተቀበለ ብዙ ስቃይ በዝምታ አስተናገደ መከራውን ሳይሆን በመከራው የምንተርፈውን የእኛን መዳን እያየ ተፅናና በችንካር እያማጠ ዳግመኛ ከማይጠፋ ዘር  ወለደን።      በሚያስተምርበት ወቅት ይህንን ቤተ መቅደስ አፍርሱት በሶስተኛውም ቀን አነሳዋለሁ እንዳለው ሶስት ቀንና ሶስት ሌሊት በምድር ውስጥ አሳልፎ በሶስተኛው ቀን የሞትን ሃይል አድቅቆ የመቃብርን ህግ ሽሮ ዳግም በማይሞት ማንነት እና አካል በተዘጋ መቃብር ኢየሱስ ተነሳ። ክብር ምስጋና ኃይልና ስልጣን ሁሉ ለእርሱ ይሁን አሜን ።    ውድ አንባቢ ሆይ ሞቱን በሚመስል ሞት ከእርሱ ጋራ ከተባበርን ትንሳኤውን በሚመስል ትንሳኤ እርሱን እንመሰለዋለን ሞት የማይቀር እዳ ሆኖ ብንሞትም መነሳታችን ግን አይቀርም በመሬት ላይ የተዘራ የስንዴ ቅንጣት መጀመሪያ ይበሰ...

                 የፍቅርህ እሳት     ጌታዬ ኢየሱስ ክርስቶስ ሆይ »   የፍቅርህ እሳት ይነድዳል በየዘመናቱም አዲስ ነውና ሙቀት ያላገኙትን በሃጢአት ቅዝቃዜ በቂምና በበቀል ብርድ የሚንዘፈዘፉትን ነፍሳት በህያው ሙቀቱ ከልብና ከህሊና ሞት ይታደጋል ።     መድሃኒቴ ሆይ » ፍቅር የሚለውን ታላቅ እውነት የተማርኩት ካንተው ነው ። ጥርስ ያወለቀ ጥርሱ እንዲወልቅ አይን ያጠፋ አይኑ እንዲጠፋ በታወጀበት አለም ምህረትና ይቅርታ መውደድና ማፍቀር ሰማእትነት እና ፍጹምነት ከባህሪህ አውጥተህ ስላሳየከኝ ባንተ የነበረው አሳብ በእኔም እንዲኖር ስላበረታከኝ ሁሉን ባንተ ስለተማርኩኝ መውደድን መወደድን ያየሁብህ ወዳጄ አመሰግንሃለው ።     አለሙን አንድ ያደረግከው ሆይ» ላንተ መገዛቴ በሙሉ ሃይሌ እና ጉልበቴ ነው ። ደምህ የሃጢአቴን ብዛት ጠርጎ አስወግዶልኛል ቁስልህ የነፍሴን ቁስል ፈውሶልኛል  ጥምህ የነፍስ ጥሜን ቆርጦልኛል መራብህ የዘለአለም ርሃቤን አስወግዶልኛል የሆንክልኝ ሁሉ ከቃላት በላይ ነው ባወራም ብናገርም ማለቂያ የለውም ።      ሰላሜ ሆይ » የነበረህን ያንን ሁሉ ክብር ትተህ እንደ ምስኪን ደሃ ማደሪያ እንደሌለው መንገደኛ ተንከራትተህ በቤትህ ያሉትን ዘጠና ዘጠኙን ሰራዊትህን ትተህ  በአባትነት ፍለጋህ ያገኘከኝ የማርከኝ የመንግስትህ ዜጋ ያደረከኝ አንተ ለእኔ የዘለአለም መኖሪያዬ ነህ መጠጊያዬና አምባዬ ነህ ።      ውዴ» እንደምወድህ አንተው ታውቃለህ ለእኔ ደስታ እንደደከምክ በድካም እንዳስደስትህ እተጋለሁ የከ...

                       ኒቆዲሞስ 

                         መክሊት               የጽሁፌ መነሻ ማቴ 25፥14-23   ነው ። መድሃኒታችን ኢየሱስ ክርስቶስ  በምሳሌ  ስለ መንግስተ ሰማያት  ካስተማረው ትምህርት በጠቀስነው ጥቅስ ውስጥ ተደጋግሞ የተነገረውን ቃል በምሳሌነት ይዘናል  <መክሊት >  አፌን በምሳሌ እከፍታለው  መዝ   77 እንዳለው መዝሙረኛው ጌታችንም ለሚከተሉት ሁሉ  ለነጋዴው በንግዱ ስርአትና በገንዘብ ፣ለገበሬው በእርሻና በዘር ፣ ለቤት እመቤቶች /ለሴቶች / በቡኮና በእርሾ እየመሰለያስተምር ነበር  ።        የባሮቹ ጌታ ወይም ንጉስ ወደሩቅ ሃገር ሊሄድ ሲል ባሮቹን ጠርቶ ለአንዱ አምስት መክሊት ፣ለሁለተኛው ሁለት መክሊት ፣ለሶስተኛው  አንድ መክሊት ሰጣቸውና እስክመጣድረስ ሰርታችሁ አትርፋችሁ ጠብቁኝ ብሎ ጥብቅ አደራ ሰጥቶአቸው  ሄደ ይላል ታሪካዊው ምሳሌ ።   ውድ የእግዚአብሄር  ልጆች ንጉሳችን ክርስቶስ በስጋ ማርያም ተገልጦ በምድር ላይ ማድራዊ ብቻ ሆነን እንድንቀር ያደረገንን በደም በውርስ ከእርግማን በታች ያደረገንን ዘለአለማዊ ሞት በሞቱ ደምስሶልን አዲስ የህይወት ምእራፍ ከፍቶልናል ። ታዲያ ይህንን ለሁላችን የሚሆን የመዳን ጸጋ ያለ አድልዎ ባጎናጸፈን ጊዜ የክርስትናን የእውነተኛውን  ሃ...

LIQE MEZEMIRAN KESIS TIZITAW SAMUEL.

                    አስገራሚው የፍቅር ታሪክ         በመጀመሪያ እግዚአብሄር ሰማይና ምድርን ፈጠረ ስማይና ምድር ሲፈጠሩ አሁን በሰማይና በምድር ውስጥ ያሉት ፍጥረታት በሙሉ በእግዚአብሄር ቃል ሆኑ ፍጥረትን ሁሉ አስቦ በቃሉ የፈጠረው አምላክ በራሱ አርአያ እና አምሳል አዳምን ከአፈር አበጀው የህይወት እስትንፋስን በአፍንጫው እፍ አለበት ህያውም ሆነ የህይወት መመርያ ተሰጠው የተሰጠውን ነጻነት ተጠቅሞ የቀረበለትን ምርጫ ከህይወት አጋሩ ከሄዋን ጋር ተስማምቶ ሞትን መረጠ  የእግዚአብሄርም ቅን ፍርድ በላዩ ወደቀበት ስለዚህ ልጅነቱን ጸጋውን ክብሩን ስልጣኑን ተቀማ  ።         ይህ ታሪካዊ ስህተት የሰው ልጆችን ነጻነት ጠቅልሎ አስሮ በመቃብር የቀበረ የአለማችንን መልክ  የህይወታችንን ውበት በሞት ጥላሸት ለቅልቆ ያበላሸ በመጀመሪያው ንጹህ ታሪካችን ላይ ጠባሳ የጣለ ክስተት ነበር ። በሄዋን ማህጸን በአዳም አብራክ ውስጥ ሆነን ሁላችንም ተረገምን፣የሞትን ፍርድ ተቀበልን ። ቅ/ጳውሎስ ይህንን ሲያብራራ < ስለዚህ ምክንያትሃጢአት  በአንድ ሰው ወደ አለም ገባ በሃጢአትም ሞት እንደዚሁም ሁሉ ሃጢአትን ስለደረጉ ሞት  ለሰው ሁሉ ደረሰ ።> ሮሜ 5፥12 ይህ መጽሃፍ ቅዱሳዊ ቃል እንደሚያስረዳን በዘር እየተላለፈ ትውልድን ሲጨርስ የነበረው ሞት መንስኤው የአዳም በደል እንደሆነ በተጨማሪም ቀጥሎ የተፈጠረው ትውልድም በሃጢአት ባህር ውስጥ የተነከረ ማንነት...

                 <<<  የእግዚአብሔር ቃል ግን አይታሰርም >>>           ከዚህ በፊት በዚሁ የእግዚአብሄር አሳብ ላይ ባሰፈርኩት ጽሁፍ የተወሰኑ ጉዳዮችን ተመልክተናል ዛሬ ተከታዩን ክፍል እናያለን ። ሶስት መቶ ቀበሮዎችን ሶምሶን ይዞ በጅራታቸው ላይ ችቦ አሰረባቸው እሳት ለኩሶ በጠላት አውድማ ላይ ለቀቃቸው የታሰረባቸውን እሳት ይዘው ሮጡ ተልእኮዋቸውንም ፈጸሙ ። መሳፍንት 15፥4 ሶስት መቶ ሰራዊት ለእልፍ አእላፍ ጠላት ይበቃል ይህ የሚሆነው ግን ተልእኮው እግዚአብሄር ያለበት ሲሆን ነው ። በመሰረቱ እግዚአብሄር በቁጥር ብዛት አያምንም በሶስት መቶ የጌዴዎን ሰራዊት እንደ አንበጣ እስራኤልን የወረረውን መንጋ እንዳልነበረ አድርጎታል መሳፍንት 7፥1-25 ። ወደ አዲስ ኪዳን እውነትም ስንመጣ ህይወታችን ኢየሱስ ክርስቶስ ለወንጌል አገልግሎት የመረጠው 12ቱን ሃዋርያት ነበረ ከእነርሱም ጋር የተደመሩት 120 የወንጌል እና የአዲስ ኪዳን ቤተሰብ ብቻ ነበሩ ። ዛሬ አለምን የከደነው ወንጌል በነዚህ ጥቂት ሰዎች አገልግሎት  ተጀምሮ ነው ለሁላችን የተረፈው ። በጥቂቶች ብዙ መስራት ለሚችል የሃይሉ እና የጥበቡ ብዛት ለማይለካ ለእግዚአብሄር ከዘለአለም እስከ ዘለአለም ክብር ይሁን አሜን ።                   የዛሬዋም የከርስቶስ ቤተ ክርስቲያን ኢያሱስ የጣለባትን የወንጌል አደራ በአግባቡ እንዳትወጣ የወንጌሉንም አላማ የጨበጡ  አገልጋዮች ለመንገዱ በተፈቀደው ፍጥነት ሮጠው ወንጌልን እንዳ...

                የእግዚአብሄር ቃል አይታሰርም            ክልከላ አልፎ የሚሰማ አዋጅ አልፎ የሚሰራ ከባለስልጣናት በላይ ባለስልጣን የሆነው መለኮታዊው የእግዚአብሄር ቃል ብቻ ነው። ቀድመው የተነሱ መንግስታት ያወጡትን ህግ ቀጥሎ የተነሱት በሚመቻቸው መንገድ እየቀለበሱ ቀይረውታል ፣ በዘመናችን ደግሞ አንድ አስገራሚ ክስተት አለ ይኸውም ድምጽን በድምጽ የመሻር መብት የሚባለው ለተወሰኑ ሃያላን ሃገራት የተሰጠ መብት ነው ። ሁኔታው ዘመናዊ የሚመስል ቢሆንም ከፍትሃዊነት አንጻር ብዙ አከራካሪ ነጥቦችን ማስነሳቱ አልቀረም ።በመሰረቱ የእኔ ነጥብ ምድራዊ ህግ ማብራራት ሳይሆን በምድራዊ ህግ እና በምድራዊ ባለስልጣናት የማይታሰረውን ሰማያዊ ቃል መመስከር ነው ። ስለዚህ አምላካችን እግዚአብሔር በድምጽ የማይሻር ድምጽ ፣ በምድራዊ ህግ የማይቀለበስ ህግ፣ የሰላ አንደበት ባላቸው ፈላስፎች ቃል የማይረታ ቃል ያለው ንጉስ ነው ። እኛም የምንመራው በዚህ የህይወት ቃል ስለሆነ ስለዚህ ስልጣን ስላለው ቃል ለነፍሴና ለነፍሳችሁ ለልቤና ለልባችሁ ልጽፍ ወደድኩ።     በመጀመሪያው መቶ ክፍለ ዘመን የነበረው የክርስትና ህይወት ጉልበታምና  በድንቆች የታጀበ ነበረ ፤ መድሃኒታችን ኢየሱስ ክርስቶስ በደሙ የመሰረታት ቤተክርስቲያን ዛሬ ያላትን ነጻነት አግኝታ ከማየታችን በፊት ብዙ መከራዎችን አልፋለች ቤተ ክርስቲያን ስንል የክርስቲያኖችን ህብረት ማለታችን ነው ። ለተቀበሉት የወንጌል አደራ ሲሉ አንገታቸውን ለሰይፍ ሰውነታቸ...

                       እንዴት እንጹም  ከባለፈው የቀጠለ፥ 4/ከጸሎት ጋር ፥            ውድ አንባብያን በዚህ የእኛ ልዩ እድል በሆነው  የጌታችን ጾም ውስጥ እያንዳንዳችን ከሰማይ መልስ የሚጠብቁ የግል ጥያቄዎች አሉን እዚህ ላይ አንድ ጥያቄ ላንሳ ስንቶቻችን ሃይምኖታዊ {ክርስቲያናዊ} እና ሃገራዊ ጥያቄዎች ይዘን በጌታ ፊት ቆመናል የክርስቶስ ፍቅር ልቡን ያሳረፈለት የተደላደለ መንፈሳዊ አቛም ያለው ሰው ከግል ጥያቄው እኩል ስለ ሃይማኖቱ ሰላም ስለ ወንድሞቹ እና እህቶቹ የህይወት ስኬት ስለ ቤተ ክርስቲያን አንድነት አልፎ ተርፎ ስለ ዓለም ሁሉ ይጸልያል ። ክርስትና ሲያድግ ልብ ይሰፋል በሰፊ ልቡ ደግሞ መታሰብ ያለባቸው ጠቅላላ ጉዳዮችን በጾሙም በጸሎቱም ክበቡን ሳያጠብብ ሁሉን ያስባል ። ከዚህ እውነት በመነሳት የራሳችንን ህይወት እንድንዳስስ አሳስባለሁ ።       ጾም እና ጸሎት በንግግር ውበት ብቻ ሳይሆን  በአንድምታም ፤ በክርስትና መርህም የማይነጣጠሉ የአምልኮ ስርአቶች ናቸው ። በመሰረቱ ጾማችን መጾም ስላለብን እና በአዋጅ ሁሉም ስለ ጾመ በልምድ  መሆን የለበትም በዓላማ በአጀንዳ ማለትም በጾሙ መጨረሻ ከጌታ ደጋግ መዳፎች አንድ የምንቀበለው ነገር እንዲኖር በቆረጠ መንፈስ በዝግጅት ልንጾም ይገባል ...

                            እንዴት እንጹም ? ጾማችን የሚጠበቅበትን ውጤትማምጣት እንዲችል የሚከተሉት የቅድስና ተግባራት አብረውት ሊከናወኑ ይገባል ፤ 1/ ከንቱ ውዳሴ የሌለበት ሊሆን ይገባል ፦ ጌታችን በወንጌል ማቴ 6፥16 ስትጦሙም እንደ ግብዞች አትጠውልጉ ለሰዎች     እንደu ጡዋሚ ሊታዩ ፊታቸውን ያጠፋሉና እውነት እውነት እላቹሃለው ዋጋቸውን ተቀብለዋል ። ይህ ማለት ዋጋ ከሰማይ     የማያመጣ ከንቱ የሆነ  ድካም ነው ።ስለዚህ የጾማችን አላማ የሰዎችን ትኩርት መሳብሳይሆን የአምላካችንን ምህረት መውረስ     ሊሆን ይገባል። 2/በፍቅርና በአንድነት፦ የቤተ ክርስቲያናችን የዜማ ሰው ቅ/ያሬድ <ንጹም ጾመ ወናፍቅር ቢጸነ ወንትፋቀር በበይናቲነ> ማለት-    ጾምን እንጹም ወንድማችንን እንውደድ እርስ በእርሳችንም እንዋደድ።በማለት ጾም ከፍቅር ጋር ወንድምን ከመውደጋር ሊሆን         እንደሚገባ ይናገራል።የተወደዳችሁ ክርስቲያኖች ያለ ፍቅር የቱንም ያህል በእያንዳንዱ አገልግሎት ብንሰማራ                    ...

<< እናንብብ>> በህይወቴ ሁሉ እኔ ትዝ የሚለኝ ህጻን ሳለሁ ግና አባቴ የነገረኝ <እንዃን በእጅህ ያለ መጽሃፍ   የወደቀ ወረቀት ሳታነብብ አትለፍ> ደጋግሞ የነገረኝ ይሄ ታላቅ ምክር   ነቃቅሎ ጥሎታል የስንፍናዬን ጦር ስለዚህ አነብባለሁ እመረምራለሁ እንኳን በእጄ ካለው ከአዲሱ መጽሐፍ   ወድቆ ካገኘሁት ብዙ ተምሬአለሁ።      ትዝታው ሳሙኤል።